Afrikaans / English

Kranspoortdorp Omgewingsake

Bertus van Eeden (borg) en oom Dyk Zeeman ( kenner) het 100+ bome gemerk in Kranspoort wat binnekort pragtige naamplaatjies gaan kry. Baie dankie.
KRANSPOORT OMGEWINGSAKE -2 DESEMBER 2017

AGENDA – OMGEWINGSAKE SESSIE
  • Kranspoort Omgewingsake Bestuursplan
  • Laaste wildtelling 23 Aug 2017
  • Wild bestuursopsies vir die korttermyn
  • Voeding en wildeienaarskema

Kliek hier om die sessie af te laai...

Klik hier om die KRANSPOORT EIENAARSKOMITEE OMGEWINGSAKE
(Fauna & Flora) BESTUURSPLAN dokument af te laai - 7 November 2017

Oktober 2017 aangekope

Een kameelperd en nege blouwildebeeste is in Oktober 2017 aangekoop en in Kranspoort-vakansiedorp gevestig

IMG-20171101-WA0007.jpg
IMG-20171101-WA0008.jpg
IMG-20171101-WA0009.jpg
Oktober-2017-aangekoop.jpg
 

Kliek hier om die KRANSPOORT OMGEWINGSAKE INLIGTINGSESSIE  AJV SEPT 2017af te laai...

Kliek hier om die KRANSPOORT OMGEWINGSAKE INLIGTINGSESSIE 20 MEI 2017 af te laai...

Voetslaanpad
'n Paar manne van die Veldwagters het met KEK se ondersteuning ‘n paar dae in die middel van Desember 2016  baie hard gewerk om die voetslaan- fietsrypad vanaf die plato tot onder in die vallei voor die Kersvakansie skoon te maak en te herstel.
Die paadjie maak deel uit van die groter Vlakvarkroete en begin by die drierigting aansluiting bo-op die plato by die 4x4 roete se "geen-ingang" bordjies.

Vanaf die begin punt bo-op die plato volg dit 'n pragtige kloofroete af tot waar dit uitloop in Kranspoortrylaan, h/v Aalwynsingel.

Beginpunt bo-op plato  Wildevystop

 Ystervark driffie

 Staircase

Dis 'n maklike en veilige stappie van bietjie meer as 30 min.
Ervare fietsryers ry dit binne 10-12 min.

Die paadjie skiet weer uit net onderkant Mengesheim in Aalwynsingel, af in die spruitlopie tot by die laagwateroorgang in Arendstraat. Mens volg daarna net Arendstraat na die dammetjie in Valkst. Net voor die dammetjie draai die paadjie links uit, af in die lopie tot onder by Swartbaarsingel se haarnaaldbruggie.
Die laaste twee gedeeltes is baie kort, maklik en veilig vir almal om te geniet.

Moet dit beslis nie "misloop" nie!
 Johan Botha
Veldwagters Kranspoort
Pennie Schoeman, die mak koedoekoei op Kranspoort het op 25 Februarie haar eerste verjaardag gevier.

pennie_0000_IMG_3423.jpg
pennie_0001_IMG_3400.jpg
pennie_0002_IMG_3395.jpg
 


Willie en Riana Schoeman het haar hans grootgemaak nadat sy as pasgebore kalfie gevind is, en die ma verdwyn het. Hier vertroetel hulle haar gou voordat hulle met vakansie vertrek.

Sy word lekker bederf deur al die Kranspoorters, en moet nie verbaas wees as sy kom inloer by jou motorvenster nie. 

Daar is 'n groot verskeidenheid wild op Kranspoort teenwoordig, wat u dalk mag sien tydens u verblyf hier. Sommige van hulle is sku en u sal baie gelukkig wees om hulle te sien.  Ander is weer net waar jy kyk en wil graag gesien word.

Bokke: Rooibokke, zebras, blouwildebeeste, koedoes, duikers, ribbokke, kameelperde, blesbokke, rooihartbeeste, waterbokke, bosbokke.

Primate:  Bobbejane, Blouape, Nagapies.

Reptiele:  Veldlikkewaan, waterlikkewaan, swart mamba, pofadder, boomslang, luislang, gespikkelde bosslang, Mosambiek spoegkobra, Bloukop koggelmander ens.

Roofdiere:  Luiperd, Bruinhiëna, Swartrugjakkals, Witkwasjakkals, Muskeljaarkat.

Varke:  Vlakvark, Bosvark, Ystervark

Voëls:  Daar is 'n groot verskeidenheid permanente inwoners asook besoekers op Kranspoort.  Sien hier aan die linkerkant die lys van voëls positief ge-identiseer binne die grense van Kranspoort.
Stuur gerus u bydraes en ons voeg dit by. 


Opwindende nuus oor nagritte!
Nag-wildbesigtigingsritte sal binnekort op die eerste Saterdag van die maand te Kranspoort om 21:00 onderneem word, na gelang van die behoefte en onderworpe aan gunstige weersomstandighede.

Besprekings kan by die Algemene kantoor gemaak word.

Die volgende sal geld:

  • Slegs 4x4 voertuie mag die ritte meemaak.
  • Daar sal inisieël slegs 4 voertuie per rit geakkommodeer kan word.
  • Ritte sal onder toesig van ʼn Direkteur en Veldwagter geskied.
  • Deelnemers sal van handradio’s voorsien word vir kommunikasie doeleindes.
  • Slegs een lig (skietlamp) per voertuig toegelaat (nie LED-tipe)

Kom geniet ʼn insiggewende en leersame aand saam met ons –  gratis!

Daar is 'n groep vrywilligers wat aangesluit het by die veldwagters wat omsien na die plante en diere, met 'n aantal interessante projekte in wording op Kranspoort. Lees gerus van hul werksaamhede op die Nuusbrief.