Welkom by Kranspoortdorp

Kranspoort se Direksie en Gemeenskap verwelkom jou by ons amptelike webwerf.
Hier deel ons graag inligting en interessanthede rakende ons mooi dorp, sy mense en die omgewing. Ons nooi jou om die verskillende bladsye te besoek en meer oor ons pragtige dorp te leer.
Kranspoort het in 1990 ontstaan met die proklamasie as Vakansiedorp. Van daar het die dorp met rasse skrede geroei tot die pragdorp van vandag.
Omring deur berge bied Kranspoortdorp aan sy inwoners en besoekers ‘n prentjiemooi bosveldervaring met vrylopende wild, voëlkykersparadys, staproetes, 4x4 voertuigroetes, 9 putjie Gholfbaan, piekniekplekke en vele meer.
Kranspoort is geleë langs die N11 tussen Middelburg en Groblersdal en slegs 5 km vanaf die omgewing se grootste natuurlike landmerk: Loskopdam. Daar vind jy ook die Loskopdam-vakansieoord met al sy waterfasiliteite, natuurreservaat, vakansieakkommodasie, Restaurant en winkel.